Մահացել է Հայոց եղեռնը վերապրած Գույնա Մարկոսյանը
Մահացել է Հայոց ցեղասպանությունը վերապրած, մազապուրծ եղած և Հայաստանում ապրող փոքրաթիվ մարդկանցից ևս մեկը։ 109 տարեկանում կյանքից հեռացել է Գույնա Մարկոսյանը, տեղեկանում ենք Shantnews.am-ից։ Նա ծնունդով Կարսից էր, ընտանիքի հետ Արևելյան Հայաստան էր տեղափոխվել 1915 թվականին։
Կենդանության օրոք ծեր կինը պատմել էր, որ 1915-ին ընտանիքը որոշել է տեղափոխվել՝ Թուրքիայում կոտորածից խուսափելու համար։ Մակույկով անցել են Ախուրյան գետն ու գաղթել Արևելյան Հայաստան։ Իրենց խմբի անդամների մի մասը խեղդվել է հենց Ախուրյանի ջրերում։
Հետո Գույնան (նախկինում՝ Նազարեթյան, ապա ամուսնու ազգանունով՝ Մարկոսյան) այլ երեխաների հետ հայտնվել է Գյումրիի որբանոցում։ Դրանից հետո էլ ամուսնացել է ու ապրել Արագածոտնի Թաթուլ գյուղում։
