Էրդողանը հայտնել է Աբու Բաքր ալ-Բաղդադիի կնոջ ձերբակալման մասին
Թուրքիայի անվտանգության ուժերը Սիրիայում ձերբակալել են «Իսլամական պետություն» ահաբեկչական խմբավորման առաջնորդ Աբու Բաքր ալ-Բաղդադիի կնոջը: Այս մասին հայտարարել է Թուրքիայի նախագահ Ռեջեփ Թայիփ Էրդողանը:
«Ալ-Բաղդադին պայթեցրեց իրեն թաքստոցում, իսկ նրա կնոջը մենք գտել և ձերբակալել ենք Սիրիայում, սակայն դրանից մեծ աղմուկ չենք բարձրացնում»,- ասել է Էրդողանը:
Թուրքիայի նախագահը նշել է, որ ձերբակալվել են նաև Ալ-Բաղդադիի քույրն ու նրա ամուսինը:
