Նիժնի Նովգորոդում տղամարդիկ սպանել են հղի կնոջը, այրել նրա բնակարանը
Ռուսաստանի Նիժնի Նովգորոդ քաղաքում ձերբակալվել են հղի կնոջ սպանության և նրա բնակարանի հրդեհման համար կասկածվող երկու տղամարդիկ:
Շաբաթ Արտակարգ իրավիճակների ծառայության աշխատակիցները Նիժնի Նովգորոդի Արխանգելսկայա փողոցում գտնվող բնակարանի հրդեհը մարելուց հետո կնոջ դի են հայտնաբերել՝ բռնության հետքերով: Ինչպես հայտնում է РИА Новости-ն՝ հայտնաբերել և ձերբակալել են սպանության համար կասկածվող երկու տղամարդու՝ սպանվածի 19-ամյա և 27-ամյա ծանոթներին: Նախնական տվյալներով՝ նոյեմբերի 2-ի առավոտյան ոչ սթափ վիճակում գտնվող կասկածյալները եղել են սպանվածի տանը: Կնոջ հետ վիճելով՝ տղամարդիկ նրան դանակի բազմաթիվ հարվածներ են հասցրել, ինչից հետո խլել են նրա զարդերը, հրդեհել բնակարանը և փախել: Ընդ որում՝ երկու տղամարդիկ էլ իմացել են կնոջ՝ հղի լինելու մասին:
