«Վերին Լարս» տանող ճանապարհի մի հատվածը կրկին փակ է
Վրաստանում Հայաստանի դեսպանությունը հայտարարություն է տարածել «Վերին Լարս» հսկիչ անցակետով անցնող վարորդների համար։
Մցխեթա-Ստեփանծմինդա-Լարս ավտոճանապարհի Գուդաուրի-Կոբի ճանապարհահատվածը կրկին փակ է։
Այս մասին հայտնում է Վրաստանում Հայաստանի դեսպանությունը` ներկայացնելով ժամը 18։00-ի տվյալները։
«Պատճառը ձյունն է»,– նշված է հայտարարության մեջ։
Նշենք, որ այս գիշեր ձյան պատճառով նշված ճանապարհահատվածը փակվել էր բոլոր տեսակի տրանսպորտային միջոցների համար, բայց կեսօրին դեսպանությունը հայտնել էր, որ ձնմաքրման աշխատանքներից հետո ճանապարհը բացվել է։
