ՏԵՍԱՆՅՈՒԹ. Առանց համարանիշերի մեքենայի վարորդը չի ենթարկվել ոստիկանների պահանջներին
ՀՀ ոստիկանությունը հայտարարություն է տարածել համացանցում քննարկվող տեսանյութի վերաբերյալ:
Մասնավորապես ասվում է. «Պարզաբանենք, որ բերման ենթարկված անձինք առանց հաշվառման համարանիշերի «Ֆորդ Մուսթանգ» մակնիշի ավտոմեքենայի վարորդը և ուղևորն են։ Ոստիկանության ծառայողներն առանց համարանիշերի մեքենան նկատել են մայրաքաղաքի Վարդանանց-Հանրապետության փողոցների խաչմերուկում։ Վարորդը չի ենթարկվել մեքենան կանգնեցնելու վերաբերյալ ոստիկանների պահանջներին։ Ոստիկանները հետապնդել են և Արամի փողոցում հիշյալ մեքենան հարկադրաբար կանգնեցրել։ Վարորդը և ուղևորը բերման են ենթարկվել ոստիկանություն, իսկ մեքենան տեղափոխվել է պահպանվող հատուկ տարածք։ Նյութեր են նախապատրաստվում»:
