Մցխեթա-Ստեփանծմինդա-Լարսի ճանապարհի մի հատվածում երթևեկությունը սահմանափակվել է

 Ձյան պատճառով Մցխեթա-Ստեփանծմինդա-Լարսի ճանապարհի Կոբի-Գուդաուրի հատվածում կցորդիչով ավտոմեքենաների երթևեկությունը ժամանակավորապես արգելված է: Այս մասին տեղեկացնում են Վրաստանի Տարածքային զարգացման և ենթակառուցվածքների նախարարության ճանապարհային դեպարտամենտից: 

ՆԳՆ-ն հորդորում է քաղաքացիներին պահպանել պարեկային ոստիկանության հրահանգներն ու ճանապարհային երթևեկության կանոնները։

Նշվում է, որ մայրուղու մնացած հատվածներում երթևեկությունն ազատ է: