Քամին կսաստկանա, օդի ջերմաստիճանը զգալի կնվազի

Հայաստանի տարածքում այսօր տեղումներ չեն գրանցվի, բայց նոյեմբերի 1-ին առանձին շրջաններում սպասվում է թույլ անձրև: Այս մասին հայտնում է «Հիդրոմետ» ծառայությունը։

«Նոյեմբերի 2-ին հանրապետության ողջ տարածքում սպասվում են տեղումներ, առանձին վայրերում` ինտենսիվ։ Այն շրջաններում, որոնք գտնվում են ծովի մակերևույթից 1700 մ և ավելի բարձրության վրա, կտեղա առաջին ձյունը»,– նշված է հաղորդագրության մեջ։Նոյեմբերի 2-ին քամու ուժգնացում է կանխատեսվում (պոռթկումների ժամանակ՝ 15-20 մ/վ):

Օդի ջերմաստիճանը նոյեմբերի 2-ի ցերեկը և 3-ի գիշերը կնվազի 8-10 աստիճանով։

Երևանում hոկտեմբերի 31-ին, նոյեմբերի 1-ին, 3-4-ը սպասվում է առանց տեղումների եղանակ: Նոյեմբերի 2-ին ժամանակ առ ժամանակ սպասվում է անձրև։Այսօր մայրաքաղաքում ցերեկային ժամերին օդի ջերմաստիճանը կտատանվի 20-22 աստիճան տաքության սահմանում, իսկ գիշերը կնվազի մինչև +6 աստիճան։