Քաղաքապետարանի տարածքում ծուխ է նկատվել. Հակոբ Կարապետյան
Երևանի քաղաքապետարանի մամուլի խոսնակ Հակոբ Կարապետյանը ֆեյսբուքյան իր էջում գրել է, որ քաղաքապետարանի գլխավոր մասնաշենքի տարածքում, մոտավորապես ճաշարանի հատվածում մոտ մեկ ժամ առաջ ծուխ է նկատվել։ Ժամանել է ԱԻՆ համապատասխան ծառայությունը, խնդիրը վերացված է։
«Միջադեպը չի ազդել քաղաքապետարանի բնականոն աշխատանքի վրա, ընդհատումներ կամ առավել ևս, տարհանում չի եղել, ներկայումս էլ քաղաքապետարանն աշխատում է սովորական ռեժիմով»,-գրել է նա։
