Ավելացել է Թբիլիսիում ավտոմեքենայի սխալ կայանման համար նախատեսված տուգանքը
Այսօր Թբիլիսիում կայանելն անվճար չէ: Քաղաքում կայանման համար շաբաթական վճարը 4 լարի է (մոտ 1,5 դոլար), վեց ամիսը ՝ 25 լարի (մոտ 9 դոլար), մեկ տարին ՝ 50 լարի (մոտ 18 դոլար):
Այսուհետ վրացական մայրաքաղաքում կայանման կանոնները խախտող վարորդները ստիպված կլինեն վճարել հինգ անգամ ավելի: Թբիլիսիում կայանատեղիների կանոնների խախտման համար տուգանքն 10 լարիից (գրեթե 3․4 դոլարից) աճել է մինչև 50 լարի (մոտ 17 դոլար):
Այդ մասին այսօր հայտարարել է Թբիլիսիի քաղաքապետ Կախա Կալաձեն: Նրա հայտարարությամբ՝ օրենքն ուժի մեջ կմտնի քաղաքային ավտոբուսների նորացումից հետո:
Փոխվել է նաև տուգաննքեր վճարելու կարգը: Մինչ այդ, օրինախախտին փոստով էր ուղարկվում օրենքի խախտման արձանագրւոթյունը, այսուհետ այն կարող են տեսնել հատուկ ինտերնետային էջում ՝ www.tp.ge։
«Այն դեպքում, երբ տուգանքի նշանակման պահից 10 օրվա ընթացքում տուգանված անձը կվճարի տուգանք, նա կստանա 20% զեղչ, և ստիպված չի լինի ամբողջությամբ վճարել տուգանքը: Ավելին՝ բոլոր տուգանված անձինք իրենց բջջային հեռախոսների վրա կստանան ծանուցում SMS հաղորդագրության տեսքով», – ասել է քաղաքապետը:
Կալաձեն նաև նշել է ժամային տարածքի կայանատեղիի ներդրման կարևորությունը: Նոր կանոնը կիրառվել է Թբիլիսիի կենտրոնական փողոցներից մեկում ՝ փորձնական ռեժիմով, օգոստոսի 1-ից:
