Հրայր Թովմասյանը մնացել է «վերջին բաստիոնը» նախկին իշխանության. Սիմոնյան
Արդեն հայտնել է, որ այսօր ՀՀ քննչական կոմիտեն հաղորդագրություն է տարածել՝ տեղեկացնելով՝ Հրայր Թովմասյանի կողմից պաշտոնեական լիազորություններն առերևույթ չարաշահելու վերաբերյալ տվյալներ են ձեռք բերվել:
Արդյոք սա կարելի՞ է դիտարկել Հրայր Թովմասյանի և նրա ընտանիքի շուրջ ծավալվող իրադարձությունների ենթատեքստում արվող քայլ. հարցրել է SHANTNEWS.am-ը ԱԺ փոխնախագահ Ալեն Սիմոնյանին:
«Ես չեմ կարծում, որ սա Հրայր Թովմասյանի շուրջ կամ որևիցե մեկի շուրջ գործընթացներ են, արդեն գաղտնիք չէ, որ այսօր Հրայր Թովմասյանը և դատական իշխանության որոշ ներկայացուցիչներ, կարելի է ասել` մնացել են «վերջին բաստիոնը» նախկին իշխանության, որովհետև ժամանակին նշանակվել են, որպեսզի սպասարկեն այդ իշխանությանը: Հրայր Թովմասյանի նշանակման հետ կապված շատ լուրջ հարցադրումներ կան»,- ասել է Սիմոնյանը` հավելելով, որ ավելին չի ցանկանում ասել, որպեսզի դա «ճնշում գործադրել» չորակվի:
