Վաղարշակ Հարությունյանը խոսել է Նաիրի Հունանյանի ազատ արձակման մասին
Պաշտպանության նախկին նախարար, գեներալ-լեյտենանտ Վաղարշակ Հարությունյանը լրագրողների հետ զրույցում խոսել է Նաիրի Հունանյանի ազատ արձակման մասին դիմումի վերաբերյալ:
«Ինչո՞ւ է նա հիմա խոսում. նախ, իրավական նորմ է, երբ 20 տարի հետո նա իրավունք ունի դիմելու: Երկրորդ՝ նա տեսնում է քաղաքական իրավիճակի փոփոխություն: Ինչ վերաբերում է նրա ցուցմունքներին, ապա այստեղ ցուցմունքները պետք է բաժանել 2 փուլի՝ մինչև մայիսի 2-ը և դրանից հետո: Մինչև մայիսի 2-ը, երբ գործում էր կառավարությունը, որի անդամը նաև ես եմ եղել, Նաիրի Հունանյանը ցուցմունք էր տալիս, և այդտեղից պարզ է դառնում, որ կան կազմակերպիչներ: Մայիսի 2-ից ուղղությունը փոխվել է, և ամբողջը վերցրել է իր վրա»,-ասաց նա:
