ՏԵՍԱՆՅՈՒԹ. ԼՀԿ-ն դատապարտում է նախարարների և պաշտոնյաների աշխատավարձերի գաղտնի բարձրացումը
«Լուսավոր Հայաստան» կուսակցությունը դատապարտում է նախարարների եւ պաշտոնյաների աշխատավարձերի բարձրացումը։
Այս մասին Ազգային ժողովում այսօր ճեպազրույցում ասաց «Լուսավոր Հայաստան» խմբակցության ղեկավար Էդմոն Մարուքյանը։
Մարուքյանը նաեւ նշեց, որ միանգամայն ի վիճակի են հասկանալու նման մոտեցումը, բայց հարցեր են ծագում։ «Մենք հասկանում ենք, որ բարձրաստիճան պաշտոնատար անձինք պետք է բարձր աշխատավարձեր ստանան, բայց դա չի կարելի գաղտնի անել։ Այ թե որն է հարցը»,- պարզաբանել է Մարուքյանը։
Պատգամավորը նաեւ ընդգծել է, որ այդ որոշումը չպետք է ընդունվեր խորհրդարանը շրջանցելով։
Հիշեցնենք, որ Հայաստանի կառավարության նախաձեռնած աշխատավարձերի բարձրացումը նախարարներին, նրանց տեղակալներին եւ նախարարությունների գլխավոր քարտուղարներին պարգեւատրելու ձեւով ոչ միանշանակ արձագանք է առաջացրել հասարակությունում։
Իրավիճակը խորացել է նրանով, որ այդ որոշումն ընդունվել է գաղտնի ռեժիմով։ Առաջին անգամ տեղեկությունն այդ մասին հայտնվել է մամուլում, ինչից հետո վարչապետը եւ կառավարության այլ անդամներ ստիպված են եղել մեկնաբանել ստեղծված իրավիճակը։
Տեսանյութը` News.am-ի:
