Ես պատրաստ չեմ Նաիրի Հունանյանին տեսնել ազատության մեջ. Անդրանիկ Քոչարյան

Լրագրողներն այսօր ԱԺ-ում ճեպազրույցի ընթացքում «Իմ քայլը» խմբակցության պատգամավորներից հետաքրքրվել են, թե  ցանկություն ունե՞ն հանդիպել Նաիրի Հունանյանին, հետաքրքրվել են նաև, թե ինչպես են վերաբերվում նրա ազատ արձակման դիմումին:

Ճեպազրույցին մասնակցող Անդրանիկ Քոչարյանն է պատասխանել հարցին՝ ասելով.

«20 տարի հետո մեր երկրի քաղաքական ընթացքը շրջած կրակահերթերի միջոցով քաղաքական անձնավորությունը ունի հնարավորություն դիմելու ազատ արձակվելու, պետությունն էլ ունի ընթացակարգ, թե այդ ցանկությունը ինչպես իրացվի: Արդարադատության նախարարն ասաց, որ հանձնաժողովներից մեկը մերժել է, մյուսը կտա իր եզրակացությունը, եղան տեսակետներ, որ հասարակությունը պատրաստ չէ Նաիրի Հունանյանին տեսնել ազատության մեջ, ինչպես ես պատրաստ չեմ, քանի Նաիրի Հունանյանը չի համագործակցել նախաքննական մարմնի հետ, որը կասեցված է, կարճված է կազմակերպիչների մասով գործը 2004 կամ 2005-ին գլխավոր դատախազության կոլեգիայի միջոցով, որի իրավասությունը չի ունեցել: Եվ այդ կոլեգիայի որոշումն իրականացրել է ՀՔԾ պետի տեղակալ Մարսել Մաթևոսյանը: Դա իրականացվել է Աղվան Հովսեփյանի պաշտոնավարման ժամանակ»: