ԱԺ-ում ճեպազրույցներին մասնակցող «Լուսավոր Հայաստան» խմբակցության ղեկավար Էդմոն Մարուքյանը անդրադարձել  է Հաց բերող անունով հայտնի Արթուր Սարգսյանի գործին և նշել, որ ինքը և Նիկոլ Փաշինյանը բազմիցս անդրադարձել են Հաց բերողի գործին և իրենց երաշխավորությամբ ազատ են արձակել նրան, սակայն արդեն ուշ էր.

«Իմ ու Նիկոլի կռիվը այն էր, որ եթե Հաց բերողին շուտ ազատ արձակեին, ապա այդպես չէր լինի: Նա արդեն հյուծվել էր, գուցե երբ ես և Նիկոլը դիմել էինք դատախազություն, այդ ժամանակ նրան ազատ արձակեին, նա չմահանար, իսկ դա արվեց արդեն ուշ»:

Էդմոն Մարուքյանը նաև անդրադարձել է ԱԺ աշխատակազմի ղեկավարի նախկին տեղակալ Արսեն Բաբայանի կալանավորման հարցին և նշել է, որ ուշադիր հետևում է բոլոր գործընթացներին և ցանկացած գործընթաց, որը դուրս կգա ՀՀ օրենքի սահմաններից, խիստ քննադատության կարժանանա իրենց խմբակցության կողմից: