Երեւան-Դիլիջան ճանապարհին մեքենան 10 մետր գլորվել է ձորը. կան տուժածներ

Հայաստանի ԱԻՆ-ում, այսօր՝ հոկտեմբերի 4-ին, ժամը 07:49-ին «911» ծառայություն ահազանգ է ստացվել, որ Տավուշի մարզի Դիլիջանի ոլորաններում ավտոմեքենան գլորվել է ձորը. անհրաժեշտ է փրկարարների օգնությունը:

Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ:

Պարզվել է, որ Մ-4 ավտոճանապարհի Երեւան-Դիլիջան հատվածի 86-րդ կմ-ին (6-րդ ոլորան) «Ford Transit» մակնիշի ավտոմեքենան (վարորդ՝ Հայկ Մ.) դուրս է եկել ճանապարհի երթեւեկելի հատվածից եւ մոտ 10 մ գլորվել ձորը:

Մինչ փրկարարների՝ կանչի վայր հասնելը վարորդը եւ ուղեւորը (Վարդգես Մ.) ինքնուրույն դուրս են եկել ավտոմեքենայից: Վերջիններս հրաժարվել են բուժօգնությունից:

Փրկարարները հոսանքազրկել են ավտոմեքենան:

Ավտոմեքենան դուրս բերելու համար անհրաժեշտ է հատուկ տեխնիկա