Քաղաքականություն

ԱՄՆ-ն առայժմ չի պատրաստվում վերսկսել Իրանի դեմ լայնածավալ ռազմական գործողությունները. Թրամփ

ԱՄՆ-ն առայժմ չի պատրաստվում վերսկսել Իրանի դեմ լայնածավալ ռազմական գործողությունները. Թրամփ
ԱՄՆ նախագահ Դոնալդ Թրամփի խոսքով՝ Վաշինգտոնն առայժմ չի պատրաստվում Իրանի դեմ լայնածավալ ռազմական գործողություններ վերսկսել և փոխարենը կենտրոնանալու է տնտեսական ճնշման վրա։Թրամփը հայտարարել է, ո�…

ԱՄՆ նախագահ Դոնալդ Թրամփի խոսքով՝ Վաշինգտոնն առայժմ չի պատրաստվում Իրանի դեմ լայնածավալ ռազմական գործողություններ վերսկսել և փոխարենը կենտրոնանալու է տնտեսական ճնշման վրա։




Թրամփը հայտարարել է, որ ԱՄՆ-ն նվազեցնում է լարվածության աստիճանը և հետևում է Իրանի տնտեսական վիճակին։




«Մենք միայն մասամբ ենք բանակցում նրանց հետ։ Մենք պարզապես հետևում ենք Իրանին՝ իր հսկայական գնաճով և այն փաստով, որ նրանք փող չունեն», - ԱՄՆ նախագահի խոսքերը մեջբերում է Axios-ը։




Նրա խոսքով՝ Իրանը «շատ վատ վիճակում է», իսկ ամերիկյան ծովային շրջափակումը խորացրել է երկրի տնտեսական ճգնաժամը։




Axios-ի աղբյուրների փոխանցմամբ՝ դեռ մեկ շաբաթ առաջ Թրամփը հակված էր վերսկսելու լայնածավալ ռազմական գործողությունները, սակայն նրան համոզել են ժամանակավորապես գնալ լարվածության թուլացման ճանապարհով։



Միևնույն ժամանակ, ԱՄՆ-ի, Իրանի և Օմանի միջև Հորմուզի նեղուցի բացման շուրջ բանակցությունները դեռևս փակուղում են։ Թեհրանը մի շարք լրացուցիչ պայմաններ է առաջ քաշել՝ Իրանի և նրա դաշնակիցների դեմ պատերազմի դադարեցում, ծովային շրջափակման և պատժամիջոցների վերացում, տարածաշրջանից ամերիկյան ուժերի դուրսբերում, վնասի փոխհատուցում և իրանական սառեցված միջոցների ապասառեցում։

Նմանատիպ հոդվածներ

Ավելին Քաղաքականություն բաժնից

AURORA TV

Դիտել ուղիղ եթեր

Արագ որոնում

Հանրաճանաչ թեմաներ

Հայաստան (7499) Միջազգային (3314) ԱՄՆ (2294) Ռուսաստան (2112) Իրան (1744) Ընտրություններ (1273) Ուկրաինա (831) Երևան (799) Իսրայել (760) Ադրբեջան (625) Փաշինյան (562) Եվրոպա (510) Ընդդիմություն (439) Թրամփ (432) Ազգային ժողով (419)

Radio Aurora

Լսել Radio Aurora

Գովազդային տարածք

300x250