09:00 Լուրերը մեկ տողով. Շոգը նահանջում է Հայաստանից, համաշխարհային ռեկորդներ և 119-միլիարդանոց գործարան

Անցած ժամվա լուրերը՝ հակիրճ և բովանդակային.

•Հայաստանում սպասվում է եղանակի փոփոխություն․ առաջիկա օրերին շրջանների մեծ մասում կգրանցվեն կարճատև անձրևներ, ամպրոպ և ջերմաստիճանի նվազում։

•Մեծ Բրիտանիայում սահմանվել է +30°C-ը գերազանցող օրերի թվի պատմական ռեկորդ, մինչ երկիրը պատրաստվում է տարվա ընթացքում շոգի հինգերորդ ալիքին։

•Սև ծովում ուկրաինական անօդաչուի հարձակման ենթարկված թուրքական բեռնանավի սեփականատերը պատրաստվում է հայց ներկայացնել Միջազգային քրեական դատարան։

•Իրանի նախագահը հայտարարել է հարևան երկրների, մասնավորապես Ադրբեջանի հետ հարաբերությունների բարելավման և արդյունավետ փոխգործակցության մասին։

•Իրանի բարձրագույն ղեկավարությունում տեղի են ունեցել կադրային փոփոխություններ․ Ազգային անվտանգության բարձրագույն խորհուրդը նոր քարտուղար ունի։

•Սերբիայի նախագահը նախազգուշացրել է սպասվող գլոբալ «հակամարտության» և առաջիկա տարիներին աշխարհաքաղաքական նոր մոդելի ձևավորման մասին։

•Tesla-ն և SpaceX-ը Թեքսասում կառուցելու են 119 միլիարդ դոլար արժողությամբ չիպերի խոշորագույն համատեղ գործարան։


•Խնձորեսկում զբոսաշրջիկներ տեղափոխող ավտոմեքենան դուրս է եկել ճանապարհից․ Փրկարարների օպերատիվ արձագանքը կանխել է հնարավոր ծանր հետևանքները։
 

•Հայաստանի տարածքում բոլոր ավտոճանապարհները, ինչպես նաև Ստեփանծմինդա-Լարս ավտոճանապարհը, լիովին անցանելի են երթևեկության համար։