Չգիտեմ այլ լեզուներով ինչպես է պետք թարգմանել Արցախը Հայաստանն է ու վերջ․ Հովհաննես Իգիթյան

Այսօր, լրագրողների հետ զրույցում Արտաքին հարաբերությունների մշտական հանձնաժողովի նախագահ Հովհաննես Իգիթյանը՝ անդրադառնալով Ալիևի հայտարարությանը՝ նշեց, որ Ալիևը հակասում է ոչ միայն իրեն, այլ նաև Մինսկի խմբի տասնյակ տարիների գործընթացին։

«Մեկ ուրիշ հայտարարության եմ սպասում։ Նիկոլ Փաշինյանի հայտարարությունը մի քիչ սխալ են հասկացել, նա չի ասել, որ Արցախը Հայաստանի տարածք է, դա դեմագոգիա է, որը օգտագործեց նաև Ալիևը։ Չգիտեմ այլ լեզուներով ինչպես է պետք թարգմանել Արցախը Հայաստանն է ու վերջ։ Լավրովն անդրադարձավ այդ հարցին, ասելով, որ դա չի նպաստում բանակցությունների գործընթացը սկսելու մթնոլորտին»,-ասաց Իգիթյանը։

Նա ընդգծեց՝ սպասում է, որ Ռուսաստանը, որպես Մինսկի խմբի համանախագահ երկիր, որը պետք է անաչառ լինի, հայտարարություն անի Ալիևի ասածի հետ կապված։ 

«Ալիևը հայտարարել է, որ Արցախը Ադրբեջան է և վերջ։ Եթե Ադրբեջանը համարում է, որ Արցախը իր տարածքն է, ի»նչ բանակցությունների մասին կարող է խոսք գնալ։ Սրանով Ադրբեջանը հայտարարում է, որ չի տեսնում խաղաղ բանակցությունների շարունակություն»,-ասաց նա։