Լուրերը մեկ տողով. Ադրբեջանից ՀՀ դիզելային վառելիքի նոր խմբաքանակը՝ ճանապարհին, ՀՀ-ում միջին աշխատավարձի աճ, գործադուլ՝ Գերմանիայում

Անցած ժամվա լուրերը՝ հակիրճ և բովանդակային:

• Ադրբեջանը Հայաստանին ուղարկում է 4. 500 տոննա դիզելային վառելիքի հերթական խմբաքանակը։ 

• Էկոնոմիկայի նախարարը հայտարարել է, որ ՀՀ-ում միջին աշխատավարձը հասել է 400 հազար դրամի՝ ընդգծելով տնտեսական աճն ու նոր վարձատրության համակարգի ազդեցությունը։ 

• Զարուհի Բաթոյանը հայտնել է կենսաթոշակների բարձրացման մասին՝ ներառյալ զինվորականների և կերակրողին կորցնելու նպաստները։ Կշարունակի գործել նաև հետվճարի մեխանիզմը։

• Պաշտպանության նախարարը Իրանում քննարկել է տարածաշրջանային անվտանգային իրավիճակը։

• Նիդեռլանդներում ապաստան հայցողների կենտրոնի կառուցման դեմ բողոքը վերաճել է անկարգությունների, ոստիկանությունը կիրառել է հատուկ ուժեր։

• Գերմանիայում մեկնարկում է երկօրյա գործադուլ, որը լուրջ խափանումներ կառաջացնի հասարակական տրանսպորտում։

• Հունգարիան և Սլովակիան հայտարարել են, որ սկսել են օգտագործել նավթի ճգնաժամային պաշարները մատակարարումների դադարեցման ֆոնին։

• Ֆրանսիայում նշանակվել է Լուվրի նոր տնօրեն, որը կզբաղվի թանգարանի անվտանգության և արդիականացման ծրագրերով։