Գաղտնի հետախուզական տեղեկատվություն Իրանի մասին․ The Guardian
ԱՄՆ պետքարտուղար Մարկո Ռուբիոն Կոնգրեսի մի խումբ առաջատար օրենսդիրների համար փակ ձևաչափով բրիֆինգ է անցկացրել Իրանի վերաբերյալ, հաղորդում է The Guardian-ը։ Հանդիպմանը մասնակցել են Ներկայացուցիչների պալատի և Սենատի երկու կուսակցությունների ղեկավար անդամները, ինչպես նաև երկու պալատների հետախուզական հանձնաժողովների նախագահներն ու առանցքային ներկայացուցիչները։
Նշվում է, որ այս հատուկ խումբը Սպիտակ տնից ստանում է գաղտնի հետախուզական տեղեկատվություն, որը կարող է վերաբերել լայնածավալ ռազմական գործողությունների նախապատրաստությանը։ Բրիֆինգի բովանդակության մանրամասները չեն հրապարակվել։
Հանդիպումը տեղի է ունեցել նախագահի՝ Կոնգրեսին ուղղված ամենամյա ուղերձից մի քանի ժամ առաջ, որի ընթացքում Դոնալդ Թրամփը հայտարարել է, որ Թեհրանը երբեք չի կարողանա ձեռք բերել միջուկային զենք։
