Լուվրի թանգարանը նոր տնօրեն ունի․ մանրամասներ

Ֆրանսիայի նախագահ Էմանուել Մակրոնը Լուվրի թանգարանի տնօրենի պաշտոնում նշանակել է Քրիստոֆ Լերիբոյին, հայտնում է english.alarabiya.net-ը։ Վերջինս ներկայում ղեկավարում է Վերսալի պալատը և մասնագիտացած է XVIII–XIX դարերի ֆրանսիական արվեստի ոլորտում՝ ունենալով արվեստագիտության դոկտորի աստիճան։

Հավելենք՝ Լուվրի նախկին տնօրեն Լորենս դը Կարսը հրաժարականի դիմում էր ներկայացրել նախագահին, որն ընդունվել է։ Մակրոնը այդ քայլը գնահատել է որպես պատասխանատվության դրսևորում։

Նախագահը շնորհակալություն է հայտնել դը Կարսիբ վերջին տարիների աշխատանքի համար և, հաշվի առնելով նրա գիտական հեղինակությունը, առաջարկել նոր առաքելություն՝ Ֆրանսիայի՝ G7-ում նախագահության շրջանակում։ Այն վերաբերում է անդամ երկրների խոշորագույն թանգարանների միջև համագործակցության զարգացմանը։

Հավելենք՝ որ տնօրենի հրաժարականը հաջորդել է հոկտեմբերի 19-ին Լուվրում տեղի ունեցած աղմկահարույց գողությանը, երբ չարագործները չորս րոպեում հափշտակել էին պատմական զարդեր՝ պատճառելով մոտ 88 միլիոն եվրոյի վնաս։