Մանուշակ մանկապարտեզ․ մի հատ հավաքվեք որոշեք․ Արայիկ Հարությունյանը՝ ընդդիմությանը
Ավելի վաղ տեղեկացրել էինք՝ վարչապետ Նիկոլ Փաշինյանի այն հայտարարության մասին, ըստ որի՝ ապրիլի 1-ից ՀՀ-ում կենսաթոշակները բարձրանալու են։
ԱՍՀ նախարար Արսեն Թորոսյանն էլ հավելել էր, որ 10 հազար դրամով բարձրանում են ոչ միայն կենսաթոշակները, այլև նպաստները:
Որոշման մասին հայտնի դառնալուց հետո ընդդիմադիր դաշտի քաղաքական մի շարք ուժերի ներկայացուցիչներ սկսեցին հայտարարություններով հանդես գալ։
«Հզոր Հայաստան» կուսակցության հիմնադիրներից Նարեկ Կարապետյանը գրել էր, որ «Սամվել Կարապետյանը ստիպեց ընտրությունից առաջ բարձրացնել թոշակները»։
Անդրադառալով ընդդիմադիր գործիչների հայտարարություններին՝ ՀՀ վարչապետի աշխատակազմի ղեկավար Արայիկ Հարությունյանը «Ֆեյսբուք»-ի իր էջում գրել է․
«Մի հատ հավաքվեք որոշեք՝ հիմա ո՞ր մեկդ ա ստիպել, որ թոշակները բարձրացնենք, էդ տարբերակն առաջ տանենք. Մանուշակ մանկապարտեզ»,- գրել է ՀՀ վարչապետի աշխատակազմի ղեկավար Արայիկ Հարությունյանը:
