Ամերիկացիներից շատերը չեն իմանա, եթե իրենց այդ մասին չասեն․ Բերբոքը՝ Գրենլանդիայի մասին
Գերմանիայի արտգործնախարար Անալենա Բերբոքը հրապարակային ելույթի ընթացքում հայտարարել է, որ ամերիկացիներից շատերը չեն իմանա, որ «Գրենլանդիան նույնպես ԵՄ տարածք է», եթե իրենց այդ մասին չասեն։ Նրա խոսքերը մեջբերել է Focus պարբերականը։
Հաղորդավարը անմիջապես արձագանքել է՝ նշելով, որ Գրենլանդիան Եվրոպական միության տարածք չէ։ Դրանից հետո Բերբոքը փորձել է պարզաբանել իր ասածը՝ նշելով, որ կղզու կապը Դանիայի հետ, իր գնահատմամբ, խոսում է եվրոպական կառույցներին առնչության և պաշտպանության անհրաժեշտության մասին։
Հայտնի է, որ Գրենլանդիան 1985 թվականին դուրս է եկել Եվրոպական համայնքից, որը հանդիսանում էր Եվրամիության նախորդ կառույցը։ Ներկայումս կղզին չի հանդիսանում ԵՄ անդամ, թեև շարունակում է պահպանել հատուկ հարաբերություններ միության հետ՝ Դանիայի միջոցով։
