ԱԺ-ն պատշաճ կերպով հրավիրել էր Թովմասյանին ներկա գտնվել երեկվա նիստին
ԱԺ նախագահ Արարատ Միրզոյանը խորհրդարանում անդրադարձել է Հրայր Թովմասյանի՝ ՍԴ անդամի լիազորությունները դադարեցնելու մասին հարցին: Նշել է, որ իրենց քայլերը իրավական կարգավորումների շրջանակում են: Լրագրողները հարց են ուղղել Հրայր Թովմասյանին հանձնաժողովի նիստերին չհրավիրելու մասին: Միրզոյանը պատասխանել է.
«Ես ուզում եմ, որ հստակ արձանագրենք, որ ԱԺ-ն պատշաճ կերպով հրավիրել էր Հրայր Թովմասյանին ներկա գտնվել երեկվա նիստին, պաշտպանել իր դիրքորոշումը, պատասխանել պատգամավորների հարցերին, իսկ հանձնաժողովի նիստին մասնակցելու համար, բացի թղթայինից, եղել էր զանգ: Որևէ պահանջ իրավական հանձնաժողովի նիստին հրավիրել չի եղել, չի եկել ու ընդ որում `ներողություն խնդրելով «Բարգավաճ Հայաստան» խմբակցությունից, սա ես կարծում եմ` ԱԺ-ի ու ԱԺ մյուս քաղաքական ուժերի նկատմամբ անհարգալից երևույթ է ու գալիս է ապացուցելու մի բան` ինչի վրա ես ուշադրություն էի հրավիրում երեկ իմ ելույթում, հստակ քաղաքական դիրքորոշման, մոտիվացիայի տարրեր կան»,-ասել է ԱԺ նախագահը:
նա պնդել է իր այն կարծիքը, որ Հ. Թովմասյանն ունի նեղ քաղաքական, կուսակցական, մոտիվացիա իր գործելաոճում, արդար դատական համաիկարգի տեսանկյունից չի հանդես գալիս:
