Կկայանա Վլադիմիր Պուտինի և Իլհամ Ալիևի հանդիպումը
ՌԴ նախագահ Վլադիմիր Պուտինը մի շարք երկրների ղեկավարների հետ կմասնակցի Սոչիում հոկտեմբերի 3-ին կայանալիք Վալդայ ակումբի նիստին։ «Վալդայան ակումբի նիստը տեղի կունենա հոկտեմբերի 3-ին Սոչիում: Նիստին մասնակցելու են Հորդանանի թագավոր Աբդալլան, Ղազախստանի նախագահ Տոկաևը, Ֆիլիպինների նախագահ Դուտերտեն և Ադրբեջանի նախագահ Ալիևը: Նրանք կմասնակցեն նիստին և ելույթ կունենան»,- երեքշաբթի լրագրողներին ասել է Պեսկովը: Պեսկովը հայտնել է նաեւ, որ նիստից առաջ ՌԴ նախագահը երկկողմ հանդիպումներ կանցկացնի իր գործընկերների հետ:
Հիշեցնենք, որ հոկտեմբերի 1-ին Պուտինը կժամանի Երեւան՝ մասնակցելու ԵԱՏՄ գագաթնաժողովին:
