Մոտ հազար տոննա փչացած մսամթերք է հանվել «Ձյունիկ սառնարան» ՍՊԸ-ից
Այս ամռան ամիսների հրդեհների պատճառների մեջ մարդկային գործոնը 90 տոկոս է: Այս մասին այսօր լրագրողների հետ զրույցում նշեց ԱԻ նախարար Ֆելիքս Ցոլակյանը:
«Ունենք դեպքեր, որ ապացուցված է, որ այրել են դիտավորյալ: Երեք դեպքով դատախազությունում քրգործեր կան: Մեր հետաքննությունը փոխանցել ենք դատախազություն»,-ասաց նախարարը
Խոսելով «Ձյունիկ» սառնարան» ընկերությունում բռնկված խոշոր հրդեհից` Ցոլակյանն ասաց, որ իրենք մինչեւ հիմա էլ հերթապահություն են իրականացնում տեղում: «Այնտեղ բարդ պրոցես կա, հանգցնելուց հետո պետք է փչացած ապրանքը, մթերքը դուրս հանել այնտեղից: Դա մեզ հաջողվեց կառավարության աջակցությամբ. մոտ հազար տոննա փչացած մսամթերք հանվեց, որը շատ վտանգավոր էր»,-ասաց Ցոլակյանը:
«Մեր նախնական հետաքննության նյութերը տրվել են տարբեր տեղեր փորձաքննության: 4-5 փորձաքննություն է արվում, որոնց արդյունքները կստանանք, եւ դատախազությունը կորոշի»,-ասաց նա:
