Երեխայի սպանության մեջ մեղադրվող գյումրեցի 20-ամյա մայրը կալանավորվել է
Գյումրիում մեկամյա դստերը սպանելու մեջ մեղադրվող երեխայի մայրը կալանավորվել է։ Այս մասին տեղեկանում ենք ՀՀ գլխավոր դատախազությունից:
Հիշեցնենք, որ օգոստոսի 31-ին ոստիկանության Մուշի բաժնում ահազանգ է ստացվել, որ Գյումրիի քաղաքային աղբանոցում քաղաքացիները հայտնաբերել են երեխայի դի։ Մեկնած օպերատիվ խումբը աղբանոցում հայտնաբերել էր 1 տարեկան աղջիկ երեխայի դի՝ ձեռքերն ու ոտքերը փաթաթված կպչուն ժապավենով։
