Քարդաշյանը Թրամփի միջոցով ազատ է արձակել ցմահ դատապարտված կնոջ
Նախկին բանտարկյալ Ալիս Մարի Ջոնսոնը Քարդաշյան-Ուեստ զույգի հիմնած կազմվածքը շտկող Skims ապրանքանիշի ներքնազգեստի առաջին դեմքն է դարձել։ Այս մասին հայտնում է Vogue-ն։
64-ամյա Ջոնսոնը նկարահանվել է գովազդում կազմվածքը ընդգծող սև ներքնազգեստով։
Ջոնսոնը դատապարտված է եղել ցմահ ազատազրկման՝ առանց պայմանական վաղաժամկետ ազատման հնարավորության։ Նա թմրամիջոցների հետ կապված հանցանք էր գործել։ Քիմ Քարդաշյանը մանրամասն ուսումնասիրել է նրա գործը, որից հետո իրավաբանների ուղեկցությամբ գնացել Սպիտակ տուն՝ Թրամփին համոզելու, որ ազատ արձակի Ջոնսոնին։ 2018-ին, հասնելով իր նպատակին, Քիմը որոշել է իրավագիտություն ուսումնասիրել, որ հետագայում փաստաբան դառնա։
Քիմ Քարդաշյանը Instagram-ում հարցազրույց է հրապարակել, որում Ջոնսոնն իր պատմությունն է ներկայացնում և շնորհակալություն հայտնում Քիմին ազատություն շնորհելու համար։
