Չեմ կարող ասել՝ Ռուբեն Հայրապետյանը կդասավանդի՞, թե՞ ոչ. Արայիկ Հարությունյան
Օգոստոսի 21-ին կրթության, գիտության, մշակույթի և սպորտի նախարար Արայիկ Հարությունյանը հայտարարել էր, որ Հայաստանի պետական տնտեսագիտական համալսարանի ռեկտորի ժամանակավոր պաշտոնակատար Ռուբեն Հայրապետյանը կթողնի զբաղեցրած պաշտոնը:
Այս հայտարարությունից մեկ օր անց նախարարի հրամանով ՀՊՏՀ ռեկտորի պաշտոնակատար նշանակվեց ՀՊՏՀ-ի ուսումնական աշխատանքների գծով պրոռեկտոր, տնտեսագիտության դոկտոր, պրոֆեսոր Դիանա Գալոյանը:
րագրողների հարցին՝ Ռուբեն Հայրապետյանն այլևս չի՞ դասավանդելու, Արայիկ Հարությունյանն այսօր պատասխանեց. «Այս հարցին անընդհատ չենք կարող անդրադառնալ, որովհետև ինչ պետք է ասվեր, արդեն ասվել է: Ես չեմ կարող պատասխանել կդասավանդի՞, թե՞ ոչ: Համալսարանից հարցրեք: Շաբաթը մեկ եմ մեր կրթության հաստատությունների հետ կապված տեղեկություններն ամփոփում: Իրականում 3 նախարարությունում այնքան աշխատանք կա, որ անընդհատ չես կարող նույն պրոցեսներին հետևել»:
Դիտարկմանը, որ ուսանողները ստորագրահավաք էին կազմակերպել և բողոքում են Հայրապետյանին հեռացնելու դեմ, նախարարն ասաց, երբ նամակը ստանան՝ կպատասխանեն:
Մանրամասները՝ Tert.am-ի տեսանյութում
