ՏԵՍԱՆՅՈՒԹ. Լկտի ձևով ուզում են բնապահպանների վրա բարդել աբրիտրաժային փոխհատուցման տեսլականը․ բնապահպան

ՀԲՃ ֆեյսբուքյան էջում ուղիղ տեսակապով բնապահպան Աննա Շահնազարյանն ասել է. «Տիգրան Ավինյանն առաջին անգամ իր հարցազրույցներից մեկում հիշատակեց մի աբսուրդային թիվ, որն ինքը մտցրեց շրջանառության մեջ, իբրև աբրիտրաժի արդյունքում փոխհատուցման ակնկալիք «Լիդիան»–ի կողմից, և այդ թիվը պտտեցին–պտտեցին ու ամենալկտի ձևով ուզում են ինչ-որ կոնկրետ մարդկանց վրա, օրինակ՝ բնապահպանների վրա բարդել պետության կողմից նման աբրիտրաժային փոխհատուցում վճարելու այդ հնարավոր տեսլականը, որը բացարձակապես հիմք չունի»։ 

Բնապահպանները խոսել են նաև Թեղուտի հանքի շահագործման խնդրից՝ ասելով, որ այնտեղ առաջացած ֆինանսական կոլապսի մեղավորը ներկայիս էկոնոմիկայի նախարար Տիգրան Խաչատրյանն է. «Նույն Տիգրան Խաչատրյանը, որ հիմա նախարար է, 10 տարի եղել է Թեղուտի ֆինանսական տնօրենը, և ոչ միայն պատասխանատվության չի ենթարկվել առաջացած վիճակի համար»։