Ես այդ ոճաբանությանը դեմ եմ, ուզում է Փաշինյանի աղջիկը լինի, ուզում է՝ իմ․ ԲՀԿ պատգամավոր
Եթե պատանեկության տարիքից նոր դուրս եկած մարդիկ ուզում են զբաղվել քաղաքականությամբ, բոլոր դեպքերում պետք է հարգեն քաղաքական հիերարխիան։ Այս մասին այսօր լրագրողների հետ հանդիպմանը կարծիք հայտնեց ՀՀ ԱԺ «Բարգավաճ Հայաստան» խմբակցության պատգամավոր Գեւորգ Պետրոսյանը՝ անդրադառնալով ՀՀ վարչապետ Նիկոլ Փաշինյանի դստեր՝ Մարիամ Փաշինյանի գրառմանը։
«Ես չեմ կարող ասել, թե քաղաքական գործիչների իրավահաջորդները քաղաքականությամբ զբաղվելու իրավունք չունեն, դա կլինի անառաողջ դատողություն։ Սակայն եթե պատանեկության տարիքից նոր դուրս եկած մարդիկ ուզում են զբաղվել քաղաքականությամբ, բոլոր դեպքերում պետք է հարգեն քաղաքական հիերարխիան։ Ես ընդամենը ոճաբանությանն եմ դեմ եղել, որ երիտասարդ աղջիկը, որը պետականաշինության գործում առայժմ ոչ մի ներդրում չունի, եւ ելնում է, իր հայրիկի ու պապիկի տարիքի մարդկանց, քաղաքական փորձառություն ունեցող անձանց ասում է խորը շնչեք, հանգիստ նստեք տեղներդ, ես չեմ ընդունելու դա, եթե նույնիսկ իմ երեխան ասի, անձնական ոչինչ չկա»,– նշեց նա։
Մանրամասները՝ 24news-ի տեսանյութում։
