Հոնկոնգի ոստիկանությունը ևս 29 ցուցարար է ձերբակալել
Հոնկոնգի ոստիկանությունը հայտնում է, որ անցած գիշեր ոստիկանների ու ցուցարարների միջև տեղի ունեցած բախումների ժամանակ 29 ցուցարար բերման է ենթարկվել: Ոսիկանությունը արցունքաբեր գազ է կիրառել ցուցարարների դեմ:
Արդեն երկու ամիս շարունակվող բողոքի զանգվածային ցույցերն ու ակցիաները ուղղված են ինքնավարության կարգավիճակ ունեցող Հոնկոնգի վրա Չինաստանի կենտրոնական իշխանությունների վերահսկողությունը ուժեղացնելու՝ Պեկինի փորձերի դեմ:
Այս ընթացքում ոստիկանությունը ցույցերին մասնակցող հարյուրավոր մարդկանց է ձերբակալել:
