Օդեսայում տեղի ունեցած խոշոր հրդեհի պատճառով վիրավորների թվում ՀՀ քաղաքացիներ և հայեր չկան

Օդեսայի հրդեհի վիրավորների թվում ՀՀ քաղաքացիներ և հայեր չկան: Այս մասին Facebook-յան իր էջում գրել է Ուկրաինայում ՀՀ արտակարգ և լիազոր դեսպան Տիգրան Սեյրանյանը:

Նրա տեղեկացմամբ`  Օդեսայում ՀՀ գլխավոր հյուպատոսությունը կապի մեջ է տեղի ոստիկանության և արտակարգ իրավիճակների մարմինների հետ:

Ավելի վաղ տեղեկացրել էինք, որ այս գիշեր խոշոր հրդեհ է բռնկվել Օդեսայի հյուրանոցներից մեկում, ինչի հետևանքով առնվազն 8 մարդ է զոհվել:  Հրդեհը բռնկվել է «Տոկիո Սթար» հյուրանոցում: Դեպքի վայր ժամանած հրշեջները պարզել են, որ այրվում է հյուրանոցի երկրորդ հարկը: Այդ պահին մոտավոր հաշվարկներով հյուրանոցում գտնվել է 200 մարդ, նրանցից 150-ին տարհանել են, 10 մարդ տեղափոխվել է հիվանդանոց: Դեպքի վայրում հայտնաբերվել է 8 դի:

Հրդեհի պատճառները դեռևս պարզված չեն, հետաքննությունը շարունակվում է: