Շատինում արջը վնասել է խաղողի այգու բերքն ու վազերը
Օգոստոսի 14-ին, ժամը 15:47-ին «911» ծառայությանն ահազանգ է ստացվել, որ Վայոց ձորի մարզի Շատին գյուղի 11-րդ փողոցի թիվ 24 տան այգում 1 շաբաթ շարունակ արջը պարբերաբար վնասում է խաղողի վազերը և բերքը. անհրաժեշտ է օգնություն: Այս մասին հայտնում են ՀՀ ԱԻՆ լրատվական ծառայությունից
Ստացված տեղեկությունը փոխանցվել է մարզպետարանի գյուղատնտեսության և բնապահպանության վարչության պետին, ոստիկանության մարզային վարչության օպերատիվ հերթապահի օգնականին և Եղեգիս համայնքի ղեկավարին:
Պարզվել է, որ ս.թ. օգոստոսի 13-ին ժամը 21:30-ի սահմաններում արջը էլի վնասել էր խաղողի այգու բերքն ու վազերը:
