Ինքնաթիռի պայթած շարժիչի բեկորները վնասել են Հռոմի հարակից քաղաքներից մեկի տները
Իտալիայում Norwegian Air ավիաընկերության Boeing 787-ինքնաթիռի շարժիչը պայթել է օդում, ինչից հետո դրա բեկորները ընկել են մոտակա թաղամասերի վրա, գրում է Corriere Della Sera-ն:
Ըստ նախնական տեղեկությունների՝ ինքնաթիռը DY7115 չվերթով Հռոմից ուղևորվում էր Լոս Անջելես:
Թռիչքից հետո օդանավի շարժիչներից մեկը խափանվել է, և ինքնաթիռը վերադարձել է օդանավակայան:
Նշվում է, որ պայթյունի հետևանքով ինքնաթիռի շարժիչի փոքրիկ մասնիկները ընկել են ճանապարհների և լողափերի վրա:
Դեպքի հետևանքով վնասվել են ավտոմեքենաների վերևի հատվածները և Իզոլա Սակրա շրջանի տները: Ինքնաթիռում գտնվել է 298 մարդ:
