Տեղափոխության մասին լուրերը ծիծաղելի են, չեմ հասկանում, թե որտեղից են վերցնում․ Հենրիխ Մխիթարյան
Հայաստանի հավաքականի և «Արսենալի» կիսապաշտպան Հենրիխ Մխիթարյանը նոր մրցաշրջանից առաջ հարցազրույց է տվել BBC-ին, որի ընթացքում խոսել է առաջիկա մրցաշրջանում ակումբի տրամադրվածության և տրանսֆերային շշուկների մասին:
«Անցած մրցաշրջանում մենք հնարավորություն ունեինք հայտնվելու Անգլիայի առաջնության լավագույն քառյակում, բայց, ցավոք, դա մեզ չհաջողվեց: Մենք մինչև վերջին րոպեն հավատում էինք: Այնուհետև ևս մեկ հնարավորություն կար հանդես գալու Չեմպիոնների լիգայում, սակայն Եվրոպա լիգայի եզրակչում չկարողացանք հաղթել «Չելսիին»: Հիասթափված էինք, սակայն այս տարի թիմում նոր համալրումներ կան, անհամբերությամբ սպասում ենք նոր մրցաշրջանին, հույս ունենք, որ նոր ֆուտբոլիստները կօգնեն հասնել մեր նպատակներին:
Երբեմն տեղափոխության մասին լուրերը ծիծաղելի են, չեմ հասկանում, թե որտեղից են վերցնում այս կամ այն տեղեկությունը»,- ասել է Մխիթարյանը:
