Լոռիում վթարի է ենթարկվել «Արզնի մսամթերք»-ի տնօրենը

Shamshyan.com-ի հաղորդմամբ, ժամը 00։30-ի սահմաններում Կոտայքի մարզի Առինջ գյուղի բնակիչ 39-ամյա Արմեն Ջամվելյանը իր վարած Nissan Patrul մակնիշի ավտոմեքենայով Ֆիոլետովո գյուղի հանդամասում դուրս է եկել ճանապարհի երթևեկելի գոտուց և մի քանի պտույտ գլորվելով՝ կողաշրջված վիճակում հայտնվել ձորում։

Վթարի հետևանքով վարորդ Ա. Ջամվելյանն ու նրա ուղևոր՝ 12-ամյա Մ. Ջ-ն մարմնական վնասվածքներով տեղափոխվել են Վանաձորի բժշկական կենտրոն։ Ըստ տեղեկությունների՝ վարորդ Ա. Ջամվելյանը «Արզնի մսամթերք» ընկերության տնօրենն է: