Տավուշում պապը հարվածել է թոռանը. 14–ամյա աղջկան հիվանդանոց են տեղափոխել
Արտառոց դեպք է տեղի ունեցել Տավուշի մարզում։ Sputnik Արմենայի տեղեկություններով՝ գրեթե անգիտակից վիճակում Նոյեմբերյանի հիվանդանոց է տեղափոխվել հենց Նոյեմբերյանում ապրող 14-ամյա մի աղջիկ։
Բժիշկներն ախտորոշել են նևրոտիկ ռեակցիա։ Ըստ քաղաքում շրջանառվող տեղեկությունների՝ անչափահասը հիվանդանոց է տեղափոխվել տանը տեղի ունեցած միջադեպից հետո, որի ընթացքում պապը հարվածել է թոռնուհուն, ինչի հետևանքով աղջիկը ուշագնաց է եղել։
Տեղի իրավապահները պարզում են կատարվածի հանգամանքները։
