ՏԵՍԱՆՅՈՒԹ. Սևանի հատակը վերածվել է աղբանոցի

Այս տարվա ուսումնասիրությունների արդյունքներն անհանգստացնող են: Լճի վիճակը մասնագետները գնահատել են վատ, Սևանա լճի ջուրը տևական ժամանակ եղել է պղտոր՝ նույնիսկ խորություններում, խեցգետինների քանակն էլ շարունակում է նվազել:  Մասնագետները նշեում են, որ ջերմաստիճանային գործոնը լուրջ գործոն է, և լճում կատարվող շատ պրոցեսներ կապված են հենց այդ գործոնի հետ: Բայց ոչ պակաս դեր ունի աղբը: 
ՙԱմեն ինչի կարելի է հանդիպել լճի հատակում: Անգամ գիտական հետազոտությունները բարդանում են հատակում գտնվող ցանցերի, թակարդների պատճառով: Սարքն իջեցվում է, հատակին չհասած՝ արդեն մնում է ցանցի մեջ, բռնվում է ինչ-որ թակարդի կողմից, և վտանգ կա սարքը կորցնելու: Նավը մոտենում է ափամերձ տարածքներ հետազոտություն անելու, բոլոր ափերը պատված են ձկնորսական ցանցերով ու թակարդներով, որոնք պարզապես թողել են ձկնորսները, ու դարձել են անպիտան՚:  Ստորջրյա հետազոտությունների և սուզումների հայկական կենտրոնի սուզորդներին ապշեցրել է Սևանա լիճ թափվող գետերի աղբի քանակը: