Խամզատ Չիմաևը Արման Ծառուկյանին թանկարժեք ժամացույց է նվիրել

UFC-ի միջինքաշային կարգի գործող չեմպիոն Խամզատ Չիմաևը 150 հազար դոլար արժողությամբ ժամացույց է նվիրել հայ մարտիկ Արման Ծառուկյանին՝ Դեն Հուկերի նկատմամբ տարած հաղթանակից հետո։ Նվերը դարձել է Չիմաևի գնահատանքի նշանը՝ Արմանի տպավորիչ ելույթի կապակցությամբ։

Հիշեցնենք՝ նոյեմբերի 22-ին Կատարի մայրաքաղաք Դոհայում կայացած UFC Fight Night 265-ի գլխավոր մենամարտում Արման Ծառուկյանը երկրորդ ռաունդում խեղդող հնարքով հաղթեց Նոր Զելանդիայից մրցակցին՝ Դեն Հուկերին։ Հաղթանակը Ծառուկյանին ապահովեց ոչ միայն կարևոր արդյունք UFC-ում, այլ նաև հավելյալ ֆինանսական պարգև։