Ռադայի պատգամավորը պահանջել է ձերբակալել Զելենսկուն
Ուկրաինայի Գերագույն ռադայի պատգամավոր Արտյոմ Դմիտրուկը իր տելեգրամ ալիքում կոչ է արել անհապաղ ձերբակալել նախագահ Վլադիմիր Զելենսկուն։
«Զելենսկուց խաղաղություն ստանալու միայն մեկ ճանապարհ կա․ նրան ձեռնաշղթաներ հագցնել»,- գրել է պատգամավորը՝ մեղադրելով նախագահի վարչակազմին մի շարք անհաջողությունների համար։
Նրա հայտարարությունը հնչել է այն բանից հետո, երբ Ուկրաինայի նախկին վարչապետ Նիկոլայ Ազարովը հայտնել էր, որ երկրում կան քաղաքական ուժեր, որոնք ցանկանում են, որ Զելենսկին հրաժարական տա։ Ազարովի խոսքով՝ դժգոհությունը նախագահից աճում է երկրի ներսում տարբեր խմբերի շրջանում։
Դմիտրուկի և Ազարովի այս գնահատականները նոր լարվածություն են ավելացրել Ուկրաինայի ներքաղաքական դաշտում, որտեղ շարունակվում են քննարկումները երկրի ղեկավարության ապագա քայլերի շուրջ։
