ԵՄ-ն և Մեծ Բրիտանիան կմասնակցեն խաղաղ ծրագրի շուրջ բանակցություններին և կհնչեցնեն իրենց հակափաստարկները
Այսօր Ժնևում ԵՄ-ն և Մեծ Բրիտանիան կմիանան խաղաղ ծրագրի շուրջ ընթացող բանակցություններին։ Շվեյցարիա է մեկնել նաև Եվրահանձնաժողովի նախագահի՝ Ուրսուլա ֆոն դեր Լյայենի աշխատակից Բյորն Զայբերտը, որը ներկայացնելու է ԵՄ պաշտոնական դիրքորոշումը։
Եվրոպական կողմը Ժնև է ժամանել հիմնավորված փաստաթուղթով։ The Washington Post-ի տվյալներով՝ ԵՄ պատվիրակությունը բերել է բացատրական նյութ, որը ներառում է մի շարք խիստ հակափաստարկներ ԱՄՆ նախագահ Դոնալդ Թրամփի ներկայացրած խաղաղ նախաձեռնության վերաբերյալ։ Փաստաթղթում առանձնացված են երեք հիմնական կետեր, որոնք, ըստ եվրոպական կողմի, պահանջում են լուրջ վերանայում։
Մեծ Բրիտանիան նույնպես պատրաստվում է ներկայացնել իր դիտարկումները՝ ընդգծելով, որ խաղաղ գործընթացը պետք է հիմնվի միջազգային իրավունքի և բազմակողմանի բանակցությունների սկզբունքների վրա։
