Լոզանի թանգարանից գողացել են տասնյակ ոսկե մետաղադրամներ

Շվեյցարիայի իշխանությունները որոնում են երկու անձի, որոնք հարձակվել են Լոզանի Հռոմեական հնագիտական թանգարանի անվտանգության աշխատակցի վրա, կոտրել ցուցափեղկը և գողացել ցուցադրված տասնյակ ոսկե մետաղադրամներ։ Ինչպես հաղորդում է Euronews-ը, հանցագործները թանգարան են մուտք գործել տոմսեր գնելով և սպասել, մինչ մյուս այցելուները դուրս կգան։

Լոզանի ոստիկանության տեղեկացմամբ՝ հարձակումը իրականացվել է թանգարանի փակվելուց անմիջապես առաջ։ Գողերի թիրախ դարձած մետաղադրամները մեծ հնագիտական արժեք ունեն:

Գողությունը տեղի է ունեցել այն ժամանակ, երբ համաշխարհային շուկայում ոսկու գները կտրուկ աճում են:

Ոստիկանությունը շարունակում է որոնողական գործողությունները։