Քննչական կոմիտեն՝ «օրենքով գող» Անդիկի սպանության նոր վարկածի մասին

«Ժողովուրդն» այսօր գրել էր, որ «Օրենքով գող» Անդրանիկ Հարությունյանի սպանության գործով օրաթերթին որոշ մանրամասներ են հայտնի դարձել: Նրանց տեղեկություններով՝ իրավապահները սպանության մեկ վարկած են քննում այժմ:

Այս տարի Նոր Նորքի և Կենտրոնի երիտասարդների միջեւ վիճաբանություն է եղել, որը վերածվել է լուրջ ծեծկռտուքի: Մասիվի երիտասարդները խնդիրը լուծելու համար դիմել են «օրենքով գող» Անդրանիկ Հարությունյանին, որն էլ իր հերթին խառնվելով երկու խմբի բաժանված երխտասարդների կռվին՝ «մի լավ դաս է տվել» Մասիվի տղաներին «նեղացնողներին»:

ՀՀ քննչական կոմիտեի մամուլի ծառայությունից ArmDaily.am-ին հայտնեցին, որ 
Քննչական կոմիտեն շարունակում է ձեռնարկել անհրաժեշտ քննչական, դատավարական, օպերատիվ հետախուզական միջոցառումները 46 ամյա տղամարդու սպանության դեպքը բացահայտելու ուղղությամբ: Նախաքննական մարմինը ինչպես այս, այնպես էլ յուրաքանչյուր դեպքով ստացված տվյալների հիման վրա առաջ է քաշում տարբեր վարկածներ և քննություն կատարում այդ վարկածի ստուգման ուղղությամբ: