«Օրենքով գող» Մասիվցի Անդիկի սպանության պատվիատուները հայտնի չեն. գործով ձերբակալված չկա

«Օրենքով գող» Մասիվցի Անդիկ մականունով հայտնի Անդրանիկ Հարությունյանի սպանության գործով որեւէ անձ չի ձերբակալվել:

Այս մասին մեր հարցին ի պատասխան ասաց ՀՀ քննչական կոմիտեի տեղեկատվության եւ հասարակայնության հետ կապերի բաժնի պետ Նաիրա Հարությունյանը, գրում է Armtimes.com-ը:

Քիչ առաջ Shantnews-ը, հղում անելով իր աղբյուներներին, նշել էր, թե սպանության պատվիրատուներն արդեն հայտնի են, ավելին՝ նրանք ձերբակալվել են:

Նաիրա Հարությունյանը մեր զրույցում ասաց, որ սպանության դեպքի առթիվ հարուցված քրեական գործի շրջանակում կասկածյալ ներգրավված անձ չկա: Մեր հարցին՝ կատարողի ինքնությունը պարզվե՞լ է, Նաիրա Հարությունյանը պատասխանեց. «ՀՀ Քննչական կոմիտեն շարունակում է ձեռնարկել անհրաժեշտ քննչական, դատավարական, օպերատիվ հետախուզական միջոցառումները 46-ամյա տղամարդու սպանության դեպքը բացահայտելու ուղղությամբ: Նախաքննական մարմինը ձեռնարկում է անհրաժեշտ բոլոր գործողությունները՝ սպանություն կատարած անձի ինքությունը պարզելու համար»: