Ինչպես արդեն հայտնել էինք` այսօր մի խումբ քաղաքացիներ բողոքի ակցիա են իրականացնում Երևանի քաղաքապետարանի դիմաց։ 

«Պաշտոնավարումից անցել են 10 երկար ու ձիգ ամիսներ։ Ոչինչ չեն մաքրել։ Ցուցաբերած անգործության համար պարոն Հայկ Մարությանը մեր բյուջեից պարգևավճարներ է տրամադրել անգործություն ցուցաբերող մարդկանց»,-ասում է ակցիայի մասնակից, «Երկիր ծիրանի» կուսակցության անդամ Սոնա Աղեկյանը։

Ակցիայի ընթացքում մասնակիցները աղբ նետեցին քաղաքապետարանի գլխավոր մուտքի մոտ։ Իսկ րոպեներ առաջ ոստիկանության աշխատակիցները

բերման ենթարկեցին մի քանի ցուցարարի, այդ թվում՝ Սոնա Աղեկյանին։