Երեկ տեղի է ունեցել ԲՀԿ ղեկավար Գագիկ Ծառուկյանի որդու նշանադրությունը: Գագիկ Ծառուկյանն իր ֆեյսբուքյան պաշտոնական էջում լուսանկար է հրապարակել ու գրել. 

«Երեկ տեղի ունեցավ ավագ որդուս՝ Նվերի և նրա ընտրյալի՝ Արփիի նշանադրության արարողությունը: Դրվեց հայկական ավանդական մի նոր ընտանիքի ձևավորման հիմքը։ Մաղթում եմ, որպեսզի մեր երիտասարդ զույգի միությունն ամուր ու հարատև լինի՝ խարսխված երջանկության, հավատարմության, հանդուրժողականության, անսահման նվիրումի ու ազգային արժեքների պահպանման վրա։ Աստված պահապան մեզ բոլորիս…»: