Ոստիկաններն անակնկալ այցելել են Արմավիրում հայտնի «Անարխիստ Կարոյի» տուն
Ոստիկանության Արմավիրի բաժնի ծառայողները ստացված օպերատիվ տեղեկությունների հիման վրա, զննություն են իրականացրել Արմավիր քաղաքի Վ․ Փափազյան փողոցի տներից մեկում։ Ինչպես հայտնում է SHAMSHYAN.com-ը՝ դեպքը տեղի է ունեցել երեկ՝ հուլիսի 3-ին։ Պարզվել է, որ Արմավիրի ոստիկանների ստացված տեղեկությունները հավաստի էին, և նշված տան բնակիչ 61-ամյա Կարապետ Մ․-ի տան հողամասում հայտնաբերել են մեծ քանակի կանեփի բույսեր, ինչպես նաև չորացված զանգված։ Փաստի առթիվ Ոստիկանության Արմավիրի բաժնի հետաքննչական բաժանմունքում նյութեր են նախապատրաստվում։ Գ․ Շամշյանի տեղեկություններով՝ Կարապետ Մ․-ն Արմավիրում հայտնի է «Անարխիստ Կարո» մականվամբ։
