Լողավազանը մեկ ժամից այդտեղ չի լինի. Օշականի համայնքապետ
Քիչ առաջ տեղեկացրել էինք, որ Օշականում 17-րդ դարում կառուցված կամրջի տակ լողավազան են տեղադրել և այն վերածել կոմերցիոն նպատակներով օգտագործվող ժամանցավայրի:
Պարզելու համար, թե ով է թույլատրել, որ թեկուզ արհեստական լողավազանը տեղադրվի միջնադարյան կառույցի տարածքում, կապ հաստատեցինք Օշականի համայնքապետ Արամ Ներսիսյանի հետ: Ներսիսյանի խոսքով` ինքը ծանոթ չի եղել խնդրին, տեղեկացել է քիչ առաջ:
«Որևէ թույլտվություն չի եղել, ես հիմա գնում եմ նշված տարածք ու խոստանում եմ, որ լողավազանը մեկ ժամից էլ այդտեղ չի լինի»,- նշեց նա:
