«Առինջ Մոլ»-ում 41-ամյա կինը վաճառողուհու պայուսակից փող է գողացել
Հունիսի 30-ին ոստիկանության ՊՊԳՎ Կոտայքի պահպանության բաժնի ծառայողը ոստիկանության Կոտայքի բաժնում հայտնել է, որ ժամը 17.30-ի սահմաններում «Առինջ Մոլ» տոնավաճառի տարածքում ծառայություն իրականացնելիս նկատել է մի կնոջ, որը փորձել է փող թաքցնել հագուստի ծոցային հատվածում:
Ոստիկանությունից հայտնում են, որ ոստիկանները պարզել են, որ 41-ամյա կինը, ժամը 17.15-ի սահմաններում, տոնավաճառի տաղավարներից մեկի վաճառողուհու պայուսակից գողացել է 200.000 դրամ:
Ժամը 18.15-ին տուժողից ընդունվել է հաղորդում:
Կինը բերման է ենթարկվել ոստիկանության Կոտայքի բաժին և տվել բացատրություն:
Հափշտակված գումարը վերադարձվել է տուժողին:
Կատարվում է քննություն:
